General Santos City—Upat sikop, duha ka minor ed edad ang narescue samtang gibungkag usab sa PDEA-12 ang drug den sa gihimong Anti-Illegal Drug Operation sa Purok Yellowbell, New Isabela, Tacurong City, Sultan Kudarat, Enero 22, 2019, alas 11:00 pasado ang takna sa gabie.
Target sa operasyon sa PDEA ang suspek nga si Arnold Posadas Alias Panoy (Target-listed), 35, single, painter. Nasikop ang nasampit nga suspek pinaagi sa buybust operation kung asa napalitan kini ug usa ka sachet sa gituohang shabu gamit ang P 500.00 nga buybust money.
Apil nga gidakop silang si Wilfredo Depalubos JR., 25, drug den maintainer, residenti sa maong lugar; Edmor Edjec, 44, residenti sa Digos City ug King Roger Castillanes, 23, laborer, residenti sa Tacurong City, human nga naaktuhan ang mga nasampit nga nag pot session sa maong lugar. Samtang narescue ang duha ka mga minor de edad nga nag edad ug 13 anyos ug 15 anyos kansa anaa sa lugar dihang gihimo ang operasyon.
Si Posadas nag-atubang ug kasong violation of Section 5 (Sale of Dangerous Drugs), Section 6 (Maintenance of a Den), Section 11 (Possession of Dangerous Drugs) ug Section 12 (Possession of Drug Paraphernalia), Article II of Republic Act 9165 (Comprehensive Dangerous Drugs Act of 2002).
Samtang Section 6 ang ipasang-at batok ni Depalubos ug Section 7 (Visitor of a Den) ang ipasang-at ngadto nilang ni Castillanes ug Edjec. Giturn-over na usab ngadto sa City Social Welfare and Development Office (CSWDO) ang duha ka mga minor de edad nga una nang narescue.
