Davao City – Gikatakdang ipatuman ang ordinansa may kalabutan sa drug-free workplace dinhi sa syudad sa Davao sugod 2019.
Atol sa gipahigayong presser, gibutyag ni Davao City Anti-Drug Abuse Council (CADAC) program director Ronald Rivera nga kaniadto pang tuig 2013 naaprubahan ang City Ordinance No. 0506-13 diin kini nagahatag og mandato sa tanang service ug product providers nga magpatuman og random drug testing sulod sa ilang establisemento.
Saysay ni Rivera nga 10% lamang ang kinahanglan sa kinatibuk-ang populasyon sa maong buhatan diin mamahimong computer generated o draw lots ang pamaagi sa pagpili sa subject sa drug test.
“But it is up for the employer to exceed more than 10% or they can even make it 100%,” segun niini.
Adunay tibuok 2019 ang mga employers nga i-comply ang tanang kinahanglan aron ma-renew ang permits niini alang sa 2020 business operation.
Gani ang kompanya nga dili maka-comply sa maong rekisitos, muresulta sa blockage ingon man non-approval sa ilang mga business permits.
RadyoMaN Jason Amisola
