pPlomolok, South Cotabato— Gipusil-patay sa wala pa mailhing suspek ang usa ka drug listed nga nailang si Joey Ranis, hamtong ang pangidaron nga residente sa Brgy. Poblacion, Polomolok, South Cotabato.
Sumala kang Police Superintendent Josemarie Simangan, hepe sa Polomolok Municipal Police Station nga alas 6 ng takna sa buntag dihang nahitabo ang pagpamusil sa highway nga bahin sa Brgy. Pagalungan, Polomolok.
Sa inisyal nga imbestigason, padulong unta sa Tupi, South Cotabato ang biktima ung asa kini nagtrabaho sa usa ka plantasyon sa pinya.
Apan paghidangat sa nasangpit nga lugar kalit nalang kini gipusil sa duha ka mga suspek nga sakay sa usa ka motorsiklo nga walay plaka numero.
Basi matud pa sa pamahayag sa mga testigo daan ng nag-atang sa lugar ang mga suspek ug dihang miagi ang biktima gilayong gipusil gamit ang kalibre 45 nga armas kung asa narekober sa crime scene ang lima ka mga basyo.
Gikumpirma man usab Ni Superintendent Simangan nga anaa sa lahang watclist ang biktima kung asa usa kini sa mga naapil sa PRRD watchlist ug ginasuta pa kung lakip kini sa mga misurender kaniadto panahon sa plan tokhang.
Sa karon, padayon ang ginahimong imbestigasyon sa kapulisan sa motibo sa maong krimen ug ginatutukan usab ang posibleng kalambigitan niini sa illegal nga droga.
