Dead on arrival sa ospital ang tatlo ka mga persona nga ginaaligar drug suspect sa ginpatigayon nga search warrant implementation kontra iligal nga droga sang Regional Police Drug Enforcement Unit (RPDEU) kag Regional Public Safety Batallion sang PNP 12 sa syudad sang Koronadal, pasado alas dos kagaina sang aga, Hunyo 15, 2018
Walo ka mga search warrant ang dala sang mga kapolisan sa ginpatigayon nga operasyon sa duha ka mga barangay sa syudad sang Koronadal.
Sa bahin sang Brgy. New Pangasinan, ginkilala ang mga nabawian sang kabuhi nga sanday Jaime Sunga, incumbent barangay Kagawad kag Reynaldo Navarro.
Apang nakapalagyo naman suno pa ang isa sa target sang mga kapolisan sa nasambit nga barangay.
Samtang, patay naman ang isa pa ka target nga si John Erwin Magbanua, 29-anyos, residente sang Megaland Subdivision, Brgy. Carpenter Hill kag empleyado sang SOCOMEDICS dire sa syudad sang Koronadal.
Suno pa nagbato ang mga suspek kabangdanan sang ila nangin kamatayon, apang hugot ini nga ginpanginwala sang ila nga mga himata subong man ang nakuha nga mga drug paraphernalia sa ila nga puluy-an.
