GENERAL SANTOS CITY- Nahagbong sa kamot sa kapolisan ang tigpayuhot og iligal nga droga sa gilusad nga anti-drug entrapment operation sa Station Drug Enforcement Team sa Bula Police Station 6 buntag adlawng Huwebes sa may Alunan Block 4, Barangay Bula ning siyudad.
Giila ni Police Major Tirso Pascual, hepe sa maong presinto ang suspek sa pangalang Saidali Labay Binasin alyas Sonny Boy, 42 anyos og nagpuyo sa maong lugar.
Gikaingon sa kapolisan nga nag-buy bust sa suspek nga bangag pa sa iligal nga droga dihang ilahang nadakpan.
Dugang saysay ni Major Pascual nga anaa sa drug watchlist ang suspek nga si Sonny Boy.
Dugay nang gipangita ang suspek dihang hepe pa kaniadto si Pascual sa City Police Drug Enforcement Unit.
Sa operasyon sulod sa gipuy-an sa suspek nagkatag pa ang napulo na gipang-repack niining pakete sa shabu.
Narekober usab gikan sa suspek ang 500 pesos nga marked money og napalit nga gamayng pakete sa iligal nga shabu.
Matod kang Pascual nagbalor og kapin kun kulang 25 mil pesos ang shabu nga nakumpiska gikan sa suspek.
Tubag usab sa suspek nga si Sonny Boy, Myerkules sa gabie pa kini siya niabot sa Gensan gikan og Marawi City.
Giangkon usab sa suspek nga nakagamit kinig shabu anang Myerkules sa gabie og Huwebes sa buntag.
Dugang niya nga tinuyoan niya ang pag baligya og pag gamit og shabu kini kay iyang kalipay.
Mag atubang ang suspek og kasong pagsupak sa balaod sa Comprehensive Dangerous Drugs.
For more info’s and updates, like and share our official facebook account : www.facebook.com/ifm91.9Gensanofficial/
[image: dakpan sa droga.jpg]
[image: 84981859_2546224125633337_2256185155683090432_n.jpg]
