Drug personality arestado sa buy-bust operation sa Banga, South Cotabato.

Isa na naman ka watch–listed drug personality ang yara sa mga kamot sa subong sang Philippine Drug Enforcement Agency ukon Pdea 12 matapos madakpan sa buy–bust operation saPurok Bayanihan, Brgy. Benitez, Banga, South Cotabato pasado alas 2:00 kahapon sang hapon.
Ginkilala ang suspek kay Joland Fernando Obrenze, alyas “June” 36-anyos, may-asawa, kag residente sang Purok El Negros, Brgy. Benitez, Banga, South Cotabato.
Si alyas June ang yara sa listahan sang Pdea 12 kag naaresto sang magpasugot nga magbaligya sang isa ka heat–sealed transparent plastic sachet sang suspected shabu SA PDEA Agent nga nagpakilala nga poseur–buyer kambyo sang Five Hundred pesos buy–bust marked money.
Nakuha naman sa suspek ang more or less 0.3 gram sang suspected shabu nga nagakantidad sang One Thousand Five Hundred pesos, Five Hundred peso bill marked money kag 1 ka unit sang cellular phone.
Kaso naman nga pagbayolar sa Section 5, Article II sang Republic Act 9165 ukon The Comprehensive Dangerous Drugs Act of 2002 ang ipasaka batok sa suspek nga sa subong nakadetine sa Pdea 12 Detention Facility.