Lalaki kag graduating student arestado sa buy bust operation, 1 naman nakapalagyo.

246

Arestado ang isa ka lalaki kag kaupod sini nga graduating student sa ginpatigayon nga drug buy bust operation sang Koronadal City PNP, City Drug Enforcement Unit kag City Anti-Drug Abuse Council sa Purok Matapat, Mabini Extention, Barangay Zone 4, Koronadal City subong nga adlaw.
Ginkilala ang mga suspek nga sanday Kristoffer B. Bengil “alyas popoy” kag ang kalive-in sang utod sini nga si Sheena C. Agraviador “alyas sheena” isa ka graduating student kag pareho residente sang nasambit nga lugar.
Nakapalagyo naman si Rafael Carlo B. Bengil bag-o pa man makaabot ang mga otoridad.
Narekober sa mga suspek ang 1 medium pack poseur item, 1 big pack nga transparent sachet sang suspected shabu ,1 wrap sang marijuana, 11 ka open small sachet sang suspected shabu, foil, lighter, gunting kag 500 pesos nga mark money.
Yara naman sa kustodiya sang Koronadal City PNP ang mga suspek nga nagapangatubang sang kaso nga pagbayolar sa Republic Act 9165 ukon ang Comprehensive Dangerous Act 0f 2002.

Facebook Comments