Dead on arrival sa ospital ang drug personality kag ginakabig nga supporter sang Daulah Islamiyah- SOCSKSARGEN Khatiba sa ginpatigayon nga Search Warrant implementasyon sang PNP sa Purok 1, Brgy. Sumbakil, Polomolok, South Cotabato sang Oktubre 31, 2020.
Bayolasyon sa Section 11 kag 12 sang Article II sang RA 9165 ang ginserbi batok sa suspek nga si Abdul Alon Aminola, 40 -anyos, jobless kag residente sang nasambit nga lugar.
Suno pa sang namutikan sang nasambit nga suspek ang operating team gintiro suno pa sini ang mga utoridad rason nga nagbalos man ang mga pwersa sang gobyerno.
May-angot sini, nakaangkon sang igo sa mga nagkalain-lain nga parte sang iya nga lawas ang suspek nga gilayon man nga gindala sa ospital, apang gindeklarar nga dead on arrival sang attending physician.
Nakuha naman sa uspek ang duha ka Rifle Grenade, 2 ka live ammunition sang alleged caliber .38 kag 12 ka sachets nga may unod nga shabu, may kabug-aton nga more or less 2 grams kag may DDB value nga P13, 720.00.
Kaso naman nga pagbayolar sa Section 11, Article II sang RA 9165, RA 10591, RA 9516 kag Direct Assault ang ipasaka batok sa suspek.
