Patay ang isa ka drug personality sa ginpatigayon nga buy-bust operation sang Koronadal CPS kag PPDEUSCCPO, sa Purok Tagumpay, Brgy. GPS, Koronadal City, alas 5:15 kahapon sang hapon, Nobyembre 12, 2020.
Ginkilala ang suspek kay Datu James Ebrahim Manunggal alias “James”, jobless kag residente sang Datu Salibo, Maguindanao.
Sa operasyon ang police poseur-buyer kag target ang nagsugtanay nga magkit-anay sa dalanon sang Purok Tagumpay, Brgy. GPS, Koronadal City.
Tigayon naman nga nakabakal sang isa ka medium sachet sang shabu sa kantidad nga P1, 000.00 ang poseur buyer
Apang sang namutikan sang suspek nga ang katransaksyon ang police operative nagbunot ini sang iya nga armas kag gintiro ang raiding team rason nga gintiro man ini sang mga pulis, kabangdanan sang kamatayon sang suspek.
Samtang ang upod sang suspek ang tigayon naman nga nakapalagyo.
Nakuha naman sa operasyon ang 1 ka medium sachet sang “shabu” (poseur item), may kabug-aton nga more or less 0.14 grams kag nagakantidad sang P1000.00), 4 ka big sachets sang “shabu” may kabug-aton nga more or less 20 grams kag nagakantidad sang P 150,000.00, kalibre 45 nga armas luthang nga kargado sang bala kag iban pa.
Kaso naman nga pagbayolar sa Section 5 kag 11, Article II sang RA 9165 kag RA 10591 ang ipasaka batok sa napatay nga suspek.
