Davao City – Positibong napalitan ang usa ka ulitawo og gituohang mariwana rason sa pagkasikop niini atol sa gilusad nga buy bust operation sa kapulisan sa Lupon ug Philippine Drugs Enforcement Agency XI.
Base sa rekord sa Police Regional Office-XI (PRO-XI), suspek mao si Roberto Banzon de Leon, 53 anyos, mananagat nga nakapuyo sa Lupon, Davao Oriental.
Nakuha sa dinakpan ang 50 pesos buy bust money, tulo ka pinilo nga papel sa mariwana ug 2,436.00 cash.
Ang suspek ipailawom sa medical/physical examination ug anaa na karon sa Lupon MPS kinsa mag atubang og kasong kalapasan sa RA 9165 kon Comprehensive Dangerous Drugs Act.
RadyoMaN Abi Bibera
Facebook Comments
