SUV ngan motorsiklo nagbungguay, 2 patay

TACLOBAN CITY – Nagbungguay an usa nga motorsiklo ngan SUV ha national road han Upper Looc, Almeria, Biliran, kakulop.

Basi ha report han Almeria PNP, ginkilala an mga biktima nga hira Rosita Jabuen ngan Nicasio Caparro Sale, 55 anyos ngan pareho nga residente ha Brgy. Talahid han nasabi nga bungto.

Basi ha inisyal nga imbistigasyon han mga otoridad, an mga biktima in nakasakay ha single nga motor nga may plate number nga 9539 HC ngan ginbabaybay nira an kakalsadahan tipakadto ha Kawayan pero nahikatapo nira an busag nga Mitsubishi Pajero nga may plate number nga YDV951. Gindadrayban an nasabi nga kotse ni Timoteo Amoroto, 63 anyos, retired post master ngan residente ha Brgy. Bool, Culaba.


Ha kakusog han impact, nahilbog an mga biktima nga nakasakay ha singke nga motor.

Gindara pa an mga ini ha Biliran Provincial Hospital pero gindeklara ini nga dead on arrival.

Facebook Comments