Davao City – Arestado sa joint buybust operation sa Tugbok ug Toril PNP ang suspetsadong drug pusher nga si Mario dela Cuesta lll,43 anyos, way trabaho, nagpuyo sa Tapay St, Purok 2, Brgy. Mintal Davao City.
Nakompiskar gikan sa posisyon sa suspek ang 58 kabuok ampule sa NALBHUPINE ASTHEC ug 142 kabuok VALIUM atol sa buybust nga gilusad sa kapulisan gipanguluhan ni Police Chief Inspector Ronald Lim Lao alas dos pasado sa kahapunon sa mismong pinuy-anan sa suspetsado.
Kalakip sa nakompiskar ang mga gamit sa pag-abuso sa illegal nga drogas ingon man ang cellphone nga gamit sa suspetsado sa iyang modus operandi.
Gibutyag ni Po3 Willquin Enciso sa Toril PNP nga dugay na nilang gimonitor ang illegal nga binuhatan sa suspek hangtud nga nadakpan na gayud kini sa joint illegal drug buybust operation ubos sa oplan double barrel.
Mukabat sa dose mill ka pesos nga sapi ang narecover ug giandam na sa kapulisan ang mga dokumento aron ipasaka ang kaso batok sa dinakpan nga ana na karon nagtingkagol sa selda sa Toril PNP.
Kasamang Erin Lumosbog
