Pagadian City – Kasong paglapas sa Akta Republika 9165 kun “Comprehensive Dangerous Drugs Act of 2002” ang gi-atubang karon sa 46-anyos nga drug pusher human kining nadakpan sa gikasa drug buy bust operation sa Purok Tugas, Barangay Balangasan ning syudad sa Pagadian.
Ang tropa sa Station Drug Enforcement Team sa Pagadian City Police Station maoy nihimo sa buy-bust nga niresulta sa pagkasikop sa target nga si HENSEIN YLANAN TAN, (a.k.a “SEIN”), residente sa nasangpit nga lugar.
Nakuha gikan sa posisyon sa dinakpan ang usa ka color yellow nga drinking straw nga dunay sulod nga gitoohang “shabu” nagsilbi nga buy-bust evidence, lain pang tulo ka pakite sa illegal nga droga, P500 nga buy bust money ug uban pang paraphernalia.
Ang shabu nga nakuha gikan sa dinakpan mobalor sa 2,500. Ang mga dinakpan gikustodiya na sa Pagadian City Police Station detention cell samtang naghulat sa sunod nga lakang gikan sa korte.
