Davao City – Patay ang usa ka drug pusher human misukol sa kapolisan San Pedro atol sa buy bust operation alas-6:05 sa gabii sa Dr. Gahol St., Brgy. 19-B, Poblacion siyudad sa Davao.
Sa report sa kapolisan naila ang suspek nga napatay Raffy Aguelo Cayas, alyas “Rap Rap”, 24 anyos residente sa Brgy. 37-D, Trading Boulevard ning dakbayan.
Sumala pa, malampusong napalitan sa kapolisan ang suspek og usa ka sachet nga shabu kambiyo ang P500.00 nga buy-bust money, apan nakabantay ang suspect nga mga sakop sa awtoridad kalit mihulbot sa iyang armas (sumpak) dayon og pusil sa kapolisan apan wa nibuto hinungdan nibawos ang awtoridad nga miresulta sa iyang hinanaling kamatayon.
Gidala pa sa Davao Medical School Foundation Hospital (DMSF) ang naasoy apan gedeklarang dead on arrival.
Narekober sa kapolisan sa posisyon sa suspek ang usa ka pouch nga dunay sulod nagkalaing-laing gidak-ong sachet sa shabu nga mukantidad og dul-an P10,000.00 ug mga illegal drug paraphernalia.
Ang patay’ng lawas sa suspetsado anaa na sa Angel Funeral Home ning dakbayan sa Davao.
RadyoMaN Don Pulayao
