Davao City – Abtik nga nakadagan ang usa ka drug pusher human gikasa ang buy bust operation alas 2:00 sa kadlawon sa Purok 16 Buhisan Tibungco siyudad sa Davao.
Subay sa blotter sa Baguio Police Station, naila ang drug pusher nga usa ka Roniel Cordova alyas Lolong, 29 anyos, nagpuyo sa nasangpit nga lugar.
Pinaagi sa poseur buyer, gitunol niini ang buy bust mark money bugti sa usa ka small size of heat sealed plastic sachet white crystalline substance nga gituohang shabu apan nakabantay ang suspek ug abtik kini nakasibat.
Narekober gikan sa iyaha ang usa ka sachet nga gituohang shabu bisan paman nga nakadagan ang suspetsado apan mag-atubang gihapon kini ug kasong kalapasan sa RA 9165 kun Comprehensive Dangerous Drugs Act of 2002 batok sa suspek samtang ginapangita na karon si Cordova.
Gihimo ang operasyon sa pagpanguna ni Police Chief Inspector Merllito Tubog, Station Commander sa Baguio PNP kauban ang pwersa sa Philippine Drug Enforcement Agency (PDEA-XI).
RadyoMaN Don Pulayao
