Malampusong nasikop sa mga operatiba sa City Drug Enforcement Unit kon CDEU ang usa ka drug pusher kaganihang buntag. Kini atol sa anti-illegal drug buy bust operation nga gilusad diha sa Brgy. Bonbon ning syudad sa Cagayan de Oro.
Ang maong operasyon ang gipangulohan mismo ni CDEU Asst. Chief PCapt. Mike Dioren Cavan ubos sa supervision ni CDEU Chief PLt.Col. James Gaylan alayon na sa mga personahe gika sa TSC-RMFB-10 ubos sa supervision ni Company Commander PMaj. Excyllo Alcantara.
Tungod ni-ini, nasikop ang suspek nga 33 anyos nga si Ronette Naguita alyas Jonathan, walay trabaho nga residenti sa Zone 5, Brgy. Bonbon ning syudad. Napalitan kini sa usa ka sachet sa gituhoang shabu balor 500 pesos nga maoy hinungdan sa iyang pagka-aresto.
Atol sa pagrekisa ngadto sa suspek, nakuha gikan sa posisyon ni-ini ang laing 3 ka mga sachet sa gituhoang shabu, pinaugang mga dahon sa marijuana nga giputos og foil. Lakip nga nakuha sa posisyon ni-ini ang 500 peso bill nga ginamit isip buy bust money.
Gibana-banang motimbang sa 2 gramos ang shabu nga nakuha sa suspek nga dunay street market value nga mokabat ngadto sa 13,600 pesos. Samtang ang marijuana, 0.3 gramos kini nga mobalor ngadto sa 36 pesos lamang.
Supek karon detinado na ug posibleng mapasakaan sa kasong pagsupak sa RA 9165 kon Comprehensive Dangerous Drugs Act of 2002.
Kasama mo sa CDEU, RadyoMaN Andy Coco, DXCC Tatak RMN!
