Davao City – Patay ang drug pusher suspect nga si alias Dodot, human misukol sa pulis sa drug buy-bust operation sa mga sakop sa Maa Police Station (PS 16) niadtong Biyernes, alas 10:46 sa gabii, Agusto 25, 2023 sa Purok 3 Sentro, Brgy. Langub, Davao City.
Sa report sa Maa Police Station, ang suspect napalitan sa poseur buyer sa duha ka gramo sa gituohang shabu, kantidad og P10,000. Napatay ang suspect human gibalusan og pusil sa pulis sa dihang iyang gipusil ang usa ka pulis.
Gidala pa sa Southern Philippines Medical Center (SPMC), ang suspect apan gideklarang dead on arrival sa mga attending physician. Narecover sa mga awtoridad ang laing mga pakete sa shabu nga anaa sa 190 grams nga mubalor tanan og P3,040,000.
RadyoMaN Don Pulayao
Facebook Comments
