Davao City – Sikop sa Philippine Drug Enforcement Agency (PDEA-XI) ang usa ka drug pusher alas 4:20 sa hapon human gikasa ang buy bust operation sa Brgy. San Agustin, Sta. Maria, Davao Occidental.
Subay sa report sa PDEA-XI, naila ang dinakpan nga usa ka Darius Olandrea Jayagan, 41 anyos, residente sa Sitio Lower, Barangay Poblacion, sa nahisgutang lungsod.
Atol sa operasyon, nakuhaan ang dinakpan og usa ka sachet sa gituuhang shabu ug lain pang usa ka small sachet sa shabu, assorted drug paraphernalia, buy bust money nga mukantidad sa 500 pesos lakip nakuha gikan sa possession sa suspek ang usa ka unit nga honda wave motorcycle nga gituuhang gigamit sa iligal nga aktibidad.
Ang dinakpan balhug na sa detention facility sa PDEA ug gihikay na ang kasong kalapasan sa section 5, 11 ug 12 Republic Act No. 9165 kun The Comprehensive Dangerous Drugs Act of 2002.
Sumala pa ni PDEA XI spokesperson Noli Nephi Dimaandal nga sa bulan sa Nobyembre, kapin 20 na ka operasyon ang ilang gipahigayon ug 21 na ang naaresto lakip ang usa ka high value target nga si Brgy. Kagawad Arnold Maalat human nadakpan sa gilusad nga entrapment operation.
RadyoMaN Don Pulayao
