“Symbolic” nga inagurasyon lamang ang nahitabo niadtong nakalabyang adlaw sa Drug Treatment and Rehabilitation Center didto sa brgy. Alegria, San Francisco, Agusan del Sur.
Gipasabot ni DOH Caraga Reg’l Director Dr. Jose Llacuna, Jr nga symbolic pa lamang ang pagturn-over tungod kay dili pa magamit ang naasyong pasilidad.
Ang nahitabo sa maong okasyon mao ang pormal nga pagturn-over sa sa Government of the Peoples’ Republic of China sa 370 milyon pesos nga kantidad sa proyekto ngadto sa mga opisyal sa Department of Health (DOH) nga maoy magpadagan sa naasyong Rehab Center.
Himoon pa sa DOH ang joint inspection sa matag lawak sa center lakip ang mga ekipo nga gihatag sa China aron masiguru kung magamit ba kini.
Adunay 150 nga bed capacity ang maong edipisyo, 100 alang sa mga lalaki ug 50 ka mga babaye; ug kini usab ang dugang Rehad Center sa kasamtangang pasilidad nga atua sa Surigao city.
photo grabbed from alexis cabardo FB [image: alexis.jpg]
