Drug Rehabilitation Center plano nga itukod sa South Cotabato.

Indi lang Outpatient Rehabilitation and Treatment Center ang itukod sa bahin sang Upper Valley Community Hospital sa banwa sang Surallah kundi may plano man nga magpatukod sang Drug Rehabilitation Center sa probinsya sa bulig naman ni Congressman Ferdinand Hernandez.
Ang Outpatient Rehabilitation and Treatment Center ang para sa mga drug dependents nga indi malala ang epekto sang droga, samtang ang drug rehabilitation center ang para naman sa mga adik nga nagakinahanglan nga i-admitir.
May-angot sini suno kay South Cotabato Governor Daisy Avance Fuentes nadesisyunan nila nga iingod ang rehab center sa itukod nga Outpatient Rehabilitation and Treatment Center sa nasambit nga balay bululngan.
Nagalab-ot naman suno pa sa 14 million pesos ang itukod nga rehab center nga halin sa Philippine Chamber of Commerce ang nasambit nga pondo.
May-angot sini ang pangitaon na lang nila suno kay Governor Fuentes amo ang private sector ukon foundation nga magpadalagan sang nasambit nga rehab center tungod kon ang lokal nga panggobyerno ang magdumala ang indi na suno pa makaya.