Sapian, Capiz – Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang 37-anyos nga traysikol drayber matapos ini ang nadakpan sa buy bust operation sa Brgy Poblacion, Sapian, Capiz alas 8:45 sang gab-i. Nakilala ang subject person kay Ludivico Lozada Jr y Lorente, residente sang Sitio Bangkal, Brgy Maninang, Sapian, Capiz. Nahibaluan nga ang amo nga persona ang isa ka drug surrenderee. Natigayon nga marekober sa iya ang duha ka transparent plastic sachet nga may yara sang unod sang ginapatihan nga shabu, tatlo ka aluminum foil nga nabutang sa plastic straw, lighter, pospuro, 500 pesos nga marked money, lima ka panid sang tig- 100 pesos, gunting kag isa ka unit traysikol. Natigayon ang amo nga operasyon sa bulig sang Station Drug Enforcement Team (SDET) sang Sapian kag Mambusao PNP. Sa subong yara na nakahunong sa karsel sang Sapian Municipal Police Station ang amu nga persona.
photo(c)- Sapian MPS
