Issuance sang student permit, temporaryo na nga ginpauntat sang LTO- 6 umpisa sang Hulyo 1!

29

Roxas City, Capiz – Gin-untat temporaryo sang Land Transportation Office(LTO) 6 ang pag-issue sang Student Permit sa mga aplikante umpisa sang Hulyo 1 tubtob sa Agusto 3, 2020.
Ginpahayag ni LTO- 6 spokesperson Riza Otayde nga ini agud mahatagan sang ligwa nga makapaidalom sang 15 ka oras nga theoretical course sa mga LTO accredited driving schools ang mga aplikante.
Suno sa iya sa idalum sang Memorandum Circular 2019- 2176 sang LTO ukon ang Rules and Regulations on Accreditation, Supervision and Control of Driving Institutions, and on Standardization of Driver Education, gina-require ang certificate of completion sa pag- apply sang student permit.
Sarang nga makuha ang certificate of compeletion kun matapos sang aplikante ang tatlo ka modules nga may taglima ka oras kada isa ukon kabug-osan nga 15 ka oras nga pagpaidalom sa theoretical course.
Gin-athag ni Otayde nga tag- P200 pesos ang bayad sa kada module ukon kabug-osan nga 600 pesos para sa tatlo ka module.
Katuyoan sang nasambitan nga pagsulondan nga labi nga ma-intindihan kag matun-an sang isa ka interesado nga magkuha sang lisensya ang mga pagsulondan antes ang pagkuha sang examination.

Facebook Comments