Drug surrenderee sa Banga, arestado sa buy-bust operation sa Brgy. Estancia, Kalibo

Kalibo, Aklan — Natigayon nga maaresto it mga taga Provincial Drug Enforcement Unit (PDEU), Philippine Drug Enforcement Agency (PDEA) ag Kalibo PNP rong sangka drug surrenderee sa ginpatigayon nga drug buy-bust operation kahapon it hapon sa Centro Brgy. Estancia, Kalibo, Aklan.
Nakilaea rong suspek kay Alfredo “Edong” Madrigal, 45-anyos native it Banga ag residente it nasambit nga lugar.
Sa ginpatigayon nga buy-bust operation nabuoe rong sangka sahet it ginapatihan shabu nga nagabalor it P 9,000.00 pesos.
Samtang sa ginpatigayon nga body search nabuoe pa gid ro ap-at ka sachet it ginapatihan nga shabu.
Naabutan pa raya kaina it mga operatiba nga naga repack it droga sa andang baeay.
Aminado man rong suspek nga imaw ra naga gamit it droga ag ro mga na recover kana hay ana eamang nga konsumo.
Magapangatubang it kasong pagbayolar sa Section 5 ag 11 ukon Comprehensive Dangerous Drug Act of 2002 rong suspek.

Facebook Comments