Patay ang usa ka lalaki human misukol sa kapulisan atol sa gihimong buy bust operation niadtong Sabado sa gabie sa Zone 8, Barangay Bulua ning syudad sa Cagayan de Oro.
Ang suspect nga si Muarip Abdullah Mamongcara napalitan og usa ka sachet sa gituohang shabu nga nagkantidad og us aka libo ka pesos.
Gidala pa sa mga otoridad sa JR Borja General Hospital si Mamongcara apan gideklarang dead on arrival human makaangkon og samad pinusilan sa dughan.
Nakuha sa SOCO sa crime scene ang lima ka basyo sa bala, usa ka caliber .45 ug usa ka magazine steel nga dunay sulod tulo ka bala.
Facebook Comments
