Dead on arrival sa hospital ang drug suspect sa ginpatigayon nga buy-bust operation sang kapolisan sa Purok Riverside, Brgy. Silway 7, polomolok South Cotabato alas 11:35 sang aga kahapon nga adlaw, Setyembre 23, 2020.
Ginkilala ang suspek kay Conrado Gonzales Casabal, alias “Dado Casabal”, 47-anyos kag residente sang Jamila Street, Poblacion, Polomolok, South Cotabato.
Nagbato suno pa ang suspek sa arresting team rason nga napilitan ang mga otoridad nga luthangon ang suspek.
Gindala pa sa ospital ang suspek apang gindeklarar nga patay na sang attending physician.
Nakuha naman sa lugar ang 1 ka unit sang Homemade single shot pistol, 3 ka FCC sang .9mm; pack bag nga may unod nga assorted I.D’s, 3 ka heat sealed transparent cellophane sachet sang ginsuspetsuhan shabu kag motorsiklo.
Samtang nakuha man sa suspek bilang ebidensya ang P500.00 buy-bust money, 1 pc. heat sealed transparent plastic sachets sang ginapatihan shabu nga may kabug-aton nga 1 gram kag nagakantidad sang P6,860.00).
Base sa imbestigasyon ang suspek ang LTO Fixer kag nadakpan na sa drug bust sang September 4, 2017 kag financial supporter man suno pa sang Daulah Islamiyah-SOCSARGEN (Nilong Sub-Group).
Kaso naman nga pagbayolar sa Section 5 kag11, Article II sang RA 9165, RA 10591 kag Direct Assault ang ipasaka batok sa suspek.
