Dead on arrival sa hospital ang target drug suspek sa ginpatigaton nga buy-bust operation sang PNP sa Prk. 1, Barangay Glamang, Polomolok, South Cotabato, alas 2:30 sang hapon sang Nobyember 03, 2020.
Ginkilala ang suspek kay Qilikirk Quiranti, legal age kag residente sang Prk. Mabuhay, Brgy. Magsaysay, Koronadal City.
Suno pa namutikan sang suspek nga pulis ang nakatransaksyon amo nga nagbunot suno pa ini sang iya armas luthang kag gintiro ang police poseur buyer kag ang nagapadulong nga operating team rason nga nagbalos man ang mga ini.
Resulta, nakaangkon sang igo sa mga nagakalain-lain nga parte sang iya lawas ang suspek nga nangin tunaan sang iya kamatayon.
Nakuha naman sa natabuan sang insidente ang 3 ka basiyo, armas luthang nga gingamit sang suspek, mga bala, P500.00 buy bust money kag 2 ka heat sealed transparent cellophane nga may unod nga shabu kag iban pa.
May kabug-aton naman nga 2 grams ang nakuha nga illegal drugs nga nagakantidad sang P13, 720.00.
Kaso naman nga pagbayolar sa Section 5 kag 11, Article II sang RA 9165, RA 10591 kag Direct Assault ang ipasaka batok sa suspek.
