Patay ang drug suspect sa ginpatigayon nga search warrant implementation sang PNP sa banwa sang Polomolok, South Cotabato kahapon nga adlaw, Oct. 2, 2020.
Ginkilala ang suspek kay Ian Kit Marilla Ramo, 41 -anyos, jobless kag residente sang Champaca St. Brgy. Poblacion sa nasambit nga banwa.
Si Ramo ang IDID listed -Level 1 HVI/Top 10 sang PDEA sa Illegal Drug personalities/ Regional Priority Ten on Illegal Drugs Personalities-HVI/Provincial Top 3 sang SCPPO sa Illegal Drug Personalities sa nasambit nga lugar.
Sa implementasyon sang search warrant nagbato suno pa ang suspek amo nga napilitan ang mga otoridad nga tiruhon ini.
Gindala pa sa Polomolok Municipal Hospital ang suspek, apang gindeklarar ini nga dead on arrival sang attending physician.
Nakuha sa puluy-an ni Ramo ang kilohan, chess board may unod nga 29 ka heat sealed transparent plastic sachets sang ginapatihan shabu nga may kabug-aton nga 5 grams kag nagakantidad sa P 34,300.00 pesos, 38 nga kalibre sang armas luthang kag mga bala.
Nahibaluan nga may pending nga kaso nga pagbayolar sa Art. II, Sec 11 kag 12 sang RA 9165 ang suspek.
