General Santos City— Dakong tabang alang sa rehiyon 12 ang bag-uhay lang gi-turn over nga SOCCSKSARGEN Drug Abuse Treatment And Rehabilitation Center sa probinsya sa Sarangani.
Sumala kang PDEA 12 Director Naravy Doquiatan nga usa ka maayong lakang alang sa probinsya ang pagtukod sa maong pasilidad kaabag ang nasud China. Pamahayag niini nga pinaagi sa maong pasilidad dili na maglisod ang mga drug dependent aron sa pagpa-ilalom sa drug rehabilitation.
Samtang gibutyag ni Dir. Doquiatan nga padayon ang ilahang ginahimo nga operasyon batok illegal nga droga kaabag ang kapulisan.
Pagpaklaro niya ga ginakonsiderang consuming regiona ang rehiyon pasabot nga dili gikan sa rehiyon ang illegal nga droga nga ginabaligayaan kundili igo lang sa paggamitan ang mga drug dependent sa rehiyon 12.
Sumala niya nga dili producer sa illegal nga droga ang rehiyon 12 rason nga sagad sa illegal nga droga partikular na shabu adunay taas nga presyo.
Sa kabahin ni Sarangani Governor Steve Solon, gibutyag niini nga dakong tabang alang sa rehiyon ug sa mismong probisnya sa Sarangani ang maong pasilidad.
Kini gumikan kung basihan dili pa-igo ang programa sa gobyerno alang sa mga drug dependent gumikan kung basihan ang datus, hilabihan matud pa ang problema sa llegal nga droga nga shabu.
Saysay niini nga ang pagtukod sa aong rehabilitation center, mahatgan gyud ug pagtagad ang mga hilabihang apektado sa illegal nga droga.
Dugang pamaayag ni Gov Solon nga ilalom sa maong drug treatment facility, adunay unom ka bulan ang mga drug dependent kung asa kaabag nila ang department of health.
Dako matud pa kining tabang gumikan dili na kinahanglan pang mulayo aron lang makapa-rehab gumikan aduna nay pasilidad sa rehiyon.
Pag-angkon niya nga sa probinsya sa sarangani, adunay ubay-ubay pa nga mga gina-monitor nga lambigit sa droga apan base sa datus, naga-ubos ang ilahang ihap.
