Roxas City, Capiz- Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang 63-anyos nga persona matapos ini ang ginserbehan sang search warrant samtang yara sa ila panimalay sa Brgy. Punta Tabuc, Roxas City.
Ginkilala ang subject person kay Danilo Castillo y Arrojado alias “Dodoy Mudlat” kun sa diin kabug-osan nga 12 ka mga sachet nga may unod sang ginasuspetsahan shabu, mga cellphone, gunting, liyabe, lighter, wallet, kag iban pa nga mga drug paraphernalias.
Natigayon ang amu nga operasyon pinaage sa kabakod sang search warrant nga gin-issue kag pirmado Judge Esperanza Isabel Poco-Deslate nga ginbasa naman sang hepe sang Roxas City PNP nga si Supt. Dante Tayco.
Sa interview sang DYVR kay Tayco, drug surrenderer ang amu nga persona sang ginkasa sang PNP ang Oplan Tokhang.
Suno pa diri nga wala nagapakig-transaksyon sa indi sini kilala ang amu nga subject person kabangdanan nga mabudlay para sa kapulisan nga ipatigayon ang buy bust operation gani nga ginpaidalom na lamang ini sa raid.
Namonitor ang ilegal sini nga buluhaton makaligad nga isa ang pangalan sini sa mga ginatudlo sang una nga nagkaladakpan nga mga drug personality nga sa iya sila nagakuha sang supply sang ilegal nga druga.
