DRUG WAR | Lalaki, dakop sa drug buy bust operation; iligal nga droga kag armas, narekober sang kapulisan

Panay, Capiz – Naglab-ot sa napulo ka sachet sang suspected shabu ang narekober sang gintingub nga pwersa sang Panay PNP, Panit-an PNP, Maayon PNP kag Provincial Drug Enforcement Unit sang Capiz Police Provincial Office batuk sa subject sang drug buybust operation sang mga otoridad sa Barangay Poblacion Ilaya, Panay, Capiz.
Ginkilala ang nadakpan nga si Ramil Reyes, 33 anyos, residente sang nasambit nga lugar. Magluwas sa iligal nga droga nga nagabalor sang kapin P90, 000, narekober man sa suspek ang 500 pesos nga marked money, mga drug paraphernalia, isa ka unit sang colt .45 pistol nga may magazine kag duha ka mga bala.
Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 kag RA 10591ukon illegal possession of fire arms and ammunitions ang suspek.

Facebook Comments