General Santos City–Ginasuta na karon sa Police Station 4, kung kinsa ang inahan sa usa ka bag-ong himugso nga batang lalaki atubangan mismo sa usa ka orphanage nga gidumalahan sa mga madre sa Barangay City Heights ning syudad alas 5:30 ang takna sa buntag.
Sumala pa ni Police Major Alex Lanestosa ang hepe sa Police Station 4 nga naka dawat nalang sila ug tawag gikan sa usa ka madre nga nagapahibalo nga dunay bata nga gibilin sa ilahang gate kansa gibilin sa wala mailhing inahan hinungdan nga gilayon nga girepondehan sa kapulisan.
Pag-abot sa maong lugar gilayon nga gikuha sa mga pulis ang bag-ong panganak nga bata nga nagpabilin pa ang pusod niini sa iyahang lawas ug gilayong gidala sa hospital.
Human matud gipailawom sa medical Check-up sa Dr. Jorge Royeca Hospital gilayon usab kini nga giturn-over sa CSWDO.
Samtang gikabutyag usab ni Major Lanestosa nga mamahimong mapasakaan ug kaso ang inahan sa bata tungod sa iyahang gihimong pag-abandona sa iyahang bag-ng himugso nga anak.
Samtang gisaysay sa usa ka madre nga nakakita sa bata nga nakadungog nalang matud pa sila ug kusog nga pagpanoktok sa ilahang gate gikan sa gwardya sa Supreme Hardware tungod kay dunay gibilin sa ilahang tugkaran nga sako bag nga dunay unod nga bag-ong himugso nga bata.
Sumala pa sa usa wala nagpailang Madre, nga pagkakita nila sa maong bata gilayon sila nga nanawag ug pulis aron nga marecue kini.
Wala matud pay sanina ang bata nga gibutang sa sako bag nga gihigot ang gunitanan ug gihapinan lang ug tela ang gihigdaan niini, sa ilahang nakita matud pa gisiguro gyud sa inahan nga mabuhi ang iyang anak gumikan didto man niya kini gibilin sa tugkaran sa orphanage.
