Way labot ang politika sa kamatayon ni Police Captain Delfin Bontuyan.
Kini maoy gipahayag ni Police Regional Office -7 Director Brigidaire General Debold Sinas human si Cebu City Mayor Tomas Osmeña adunay ispikulasyon labot niini human ang anak ni Bontuyan nga si Cristine Claire , SK Chairman sa Talamban giingogn giharass sa niaging eleksiyon .
Daw pulis ang gipasanginlan ni Osmeña sa iyang post sa Faecbook labot sa kamatayon ni Bontuyan apan matud ni Sinas di na sila mahibong niini subay sa kanunay nga pag-atake sa mayor batok sa PNP .
Daghang anggulo hinoon ang gisubay sa kapolisan sa pag-ambush ug pagpatay ni Bontuyan usa na niini ang may kalabutan sa ilegal nga drugas.
Gawas niini gitan-aw usab sa kapolisan ang posibilidad adunay nasuko kaniya may labot sa iyang trabaho sa pagkapolis og ang gihuptan niini nga mga kaso may labot sa drugas .
Si Bontuyan gipusil-patay sa duha ka riding in tandem samtang nagmaneho sa iyang motorsiklo gikan sa hearing sa Palace of Justice sa dalan A. Soriano ug Saint Jonh Paul II Avenue sa Mabolo ning syudad niadtong Mayo 21.
