General Santos City—Usa sa mga giatangan nga aktibidad atol sa Sarangani Bay Festival ang Drum beating contest nga pasiugdahan sa RMN-Gensan nga gipangunahan ni Station Manager Inah Daven, Special Project Head Joy Barcelete, Admin Head Rejoice Presco ug tanang Staff sa RMN Gensan.
Ang Drum Beating Contest sa RMN Gensan ipahigayon sa mismong culmination day sa SarBay fest karong Mayo 26, 2018. Mga partisipante niini naggikan pa sa managlahing rehiyon sa Mindanao.
Dinagkong premyo ang naghuwat alang sa mga partisipanteng mudaog sa maong kompitisyon.
Nasayran nga ang mudaog ug 1st palce makadawat ug P25,000.00; 2nd Place – P15, 000.00; 3rd Place P10,000.00; samtang makadawat sab ug Consolation Prizes nga P5,000.00 ang matag grupo nga dili palarang mananaog.
Samtang si Sarangani Governor Steve Chiongbian Solon nag awhag sa mga Sarangan ug mga bisita nga saksihan ang RMN Drum Beating Competition gumikan mga partisipante niini mga hanas na ug nagasalmot na sa mga dinagkong Drum Beating Competition dinghi sa nasud.
