Malaybalay City, Bukidnon – Magpahigayon ang Department of Social Welfare and Development Field Office X ug laing hugna sa validation isip pagpangandam alang Unconditional Cash Transfer kung asa ang national government muhatag ug P200 kada bulan ngadto sa mga pamilyang na-validate sa listahan sa mga kabus nga na-apil sa Listahanan – kon National Household Targeting System for Poverty Reduction nga gihimo sa DSWD.
Sa interview sa RMN Malaybalay ngadto kang Charmaine Tadlas ang information officer sa DSWD region 10, gibutyag niini nga muabot sa 262,623 families kinsa dili mga benepisiyaryo sa Pantawid Pamilyang Pilipino Program kon 4ps ug dili usab benepisiyaryo sa Social Pension for Indigent Senior Citizens, apan nalista sa Listahanan database gumikan gikonsidera nga kabus atol sa enumeration kaniadtong 2009 sa Northern Mindanao.
Matud ni Tadlas nga ang DSWD mubayad sa P2,400 alang sa tuig 2018 kada pamilya nga na-validate isip kabus sa buhatan.
Apan gipaklaro usab niini nga ang payout magsugod lamang kung mahuman na ang validation nga pagahimoon ug masapinal karong tuiga.
Ang mao nga cash assistance usab ihatag ngadto sa tanang benepisiyaryo sa Pantawid Pamilyang Pilipino Program beneficiaries, isip dugang grants, ug ngadto sa mga benepisiyaryo sa Social Pension for indigent senior citizens,
�wgk�-
