Padayon karon ang gihimong pag-apod-apod sa emergency cash subsidy ilalom sa Social Amelioration Program (SAP) nga na-apil sa wait-listed.
Sa interview sa RMN Malaybalay ngadto kang Charmaine Tadlas ang regional information officer DSWD 10, gibutyag niini nga ilang gi-una kadtong mga lumulupyo sa gikonsiderang geographically isolated and disadavantaged areas barangays o hilit ug suok nga mga dapit.
Gipasabot ni Tadlas nga ang waitlisted mao kini kadtong limpiyong listahan sa mga naka-fill up sa CIC nga mi-agi na sa hugot nga validation sa DSWD.
Sa Rehiyon 10 muabot sa 150,099 ka mga pamilya ang makadawat sa Northern Mindanao.
Niabag ang tropa sa Philippine National Police ug mga kasundalohan sa Armed Forces of the Philippines aron masiguro nga matuman ang mga health protocols sama sa social distancing ug pagsuot sa face mask.
Makadawat ang mga benepisiyaryo ug 6,000 pesos.
Ang ayuda gihatag aron makadawat ang mga labing naapektohan sa pagpatuman sa community quarantine tungod sa COVID-19 nga pandemya.
Sa ubang barangay, magpa-abot lamang sa ilang schedule.
