Nagbukas na sang grocery store ang Sustainable Livelihood Program Associations ukon SLPA Consumer Cooperative sa merkado publiko sang Tantangan, South Cotabato.
Ini suno pa ang una nga kooperatiba sa pungsod nga gintukod sang mga benepisyaryo sang Sustainable Livelihood Program ukon SLP sang Department of Social Welfare and Development o DSWD.
Suno kay DSWD 12 Regional Director Cezario Joel Espejo, ang produkto sang mga myembro sang SLPA ang ginabakal sang kooperatiba para mabaligya sa mas malapad nga merkado.
Pahayag pa ni Espejo nga ginahangkat man ang mga SLPA nga magbakal sa kooperatiba sa diin sila mga myembro.
Paagi suno pa sini may-yara sang mabakod nga relasyon sa tunga sang SLPA kag kooperatiba nga makabenepisyo man ang ila nga mga myembro.
Ang SLP Association sa Tantangan ang may-yara sang 350 ka mga miyembro nga kababainhan nga kadam-an mga benepisyaryo man sang Pantawid Pamilyang Pilipino Program ukon 4Ps.
Ang mga ini ang nag-organisa sang grupo kag nag-contribute sang tig-P1, 000.00 para makabuo sang kooperatiba nga magbaligya sang groceries kag iban pa nga nagapanguna nga kinahanglanon sa Tantangan public market.
Katuyuan sini nga mabuligan ang ila mga myembro nga apektado sang COVID-19 pandemic.
