Nagalab-ot sa P105 million ang gin-alokar nga pondo subong nga tuig para sa livelihood projects sa mga residente sa rehiyon dose nga malala nga naapektuhan tungod sa global health crisis tuga sang COVID-19
Suno kay DSWD 12 Regional Director Cezario Joel Espejo yara sa 6,015 ka mga kwalipikado nga mga benepisyaryo ang target nga makabenepisyo sang nasambit nga ayuda.
Makabaton suno pa ang mga ini sang seed capital nga P15,000 nga gamiton sa pag-umpisa sang negosyo.
Magluwas sa nasambit nga numero dugang nga 1,051 para naman sa kwalipikado kag ginrefer sang local government units.
May-angot sini, suno kay Espejo subong nga semana nagpatigayon sila sang konsultasyon kag orientation sa mga Local Government Units (LGUs) nga kaupod sa implementasyon sang nasambit nga programa.
Ginalauman naman suno sa iya nga magaumpisa ang distribusyon sang nasambit nga ayuda sa second quarter sang tuig.
Pahayag naman ni DSWD 12 Assistant Regional Director Bonifacio Selma Jr., nga majority sang mga benepisyaryo sang Livelihood Assistance Grant (LAG) ang mga market kag street vendors, lakip na ang halin sa informal economy sectors kasubong sang self-employed, jeepney drivers, rural workers nga kapareho sang manugpangisda kag mga mangunguma.
Pagklaro pa sini nga subong nga tuig nga LAG program ang kabahin sa gihapon sang Social Amelioration Program sa idalom sang recovery phase sa implementasyon sang Emergency Subsidy Program sang DSWD, nga nakabase sa Bayanihan to Heal as One Act nga buligan ang mga low-income families nga ang nagapanguna nga ginakuhaan sang pangabuhian ang apektado sang pandemya.
