DSWD: Bugas inay cash sa 4Ps dako’g tabang

81

Davao City – Dako sumala pa ang matabang kung hingpit nga maaprubahan ang resolusyon nga bugas inay nga cash ang ihatag sa mga benepisyaryo sa Pantawid Pamilyang Pilipino Program (4Ps).

Sa interbyu sa DXDC RMN Davao kang Ma. Salome Huelar, Regional Case Management Focal sa Department of Social Welfare and Development (DSWD)-XI gibutyag niini nga sa ilang pagpanubay sa mga benepisyaryo sa 4Ps, kini ang ilang mas gikinahanglan labi na nga aduna usay gina-implementar nga communal gardening project sa DSWD alang sa mga 4Ps beneficiaries.


“Okay ra gyud kaay sya. Based man gud sa area nga among naadtuan, dako pud gyud og tabang ang bugas labaw na karon nga on going nga nagabuhat pud sila og communal and backyard gardening sa ilang tagsa tagsa ka mga panimalay,” saysay ni Huelar.

Segun ni Huelar nga musunod lamang ang DSWD sa mandato gikan sa national office kung hingpit mang mapatuman ang resolusyon aron hapsay usab ang pagpaabot niini ngadto sa mga benepisyaryo.

“Kung unsa man pud gud ang mga mandate coming from the national office, mao man pud ang sundon sa atong regional office. Although prior to its implementation, naa gyud tay coordination ani sa other nato nga national agencies nga dako pud ang kalambigitan ani nga proseso,” saysay ni Huelar.

Nasayran nga lusot na sa ikaduhang pagbasa sa Senado ang resolusyon diin kung mapatuman kini, mamahimong pilot areas ang mga lugar sa Pangasinan, Ilocos Norte, Cagayan, Isabela, Occidental, Oriental Mindoro, Tarlac, Nueva Ecija, Nueva Vizcaya, Zamboanga del Sur ug Iloilo.

RadyoMaN Kirby Manzon

Facebook Comments

From Advertisers