Intel palig-onon sa TFD vs drug couriers

15

Davao City – Gipahugtan sa Task Force Davao ang ilahang pagpatuman og inspeksyon aron wala gayuy makalusot nga eksplosibo lakip na iligal nga drogas sa mga checkpoints.

Gibutyag ni Col Consolito Yecla ang commander sa Task Force Davaosa interbyu sa RMN Davao nga sa tabang sa PDEA K9 dogs kini maoy mudetect kung aduna bay tinaguang drogas sa lawas ang usa ka pasahero.


Aminado si Yecla nga lisod na gayod kapkapon ilabina kung gamay kaayo ang droga nga ginabutang pa sa mga underwears aron lamang mapaipsot.

Busa adunay mga trained usab mga CAFGUs ang Task Force Davao nga paspas makadakop sa mga drug suspects.

Sukad sa paglingkod ni Yecla isip commander sa Task Force Davao mokabat sa 50 ka mga suspects na ang naharang ug nasakpang atol sa inspeksyon.

Matud ni Yecla kinahanglan gayod og mas lig-ong intelligence aron mahibaw-an kinsa kining mga drug couriers nga gaplanong mupalusot og mga droga sa syudad.

RadyoMaN Aimee Guinita

Facebook Comments

From Advertisers