TACLOBAN CITY – Ha paningkamot han RMN para marelease na an cash grant ngadto ha mga Pantawid Pamilyang Pilipino Program (4p’s) beneficiaries han Leyte ha ilarom han Philippine Veterans Bank, dumeretso na kami ngadto ha Department of Social Welfare and Development (DSWD) Central Office para maaksyunan na ini agad-agad.
Ha Exclusive interview han RMN kan DSWD USec. Camilo Gudmalin, makakarawat na han mga 4P’s beneficiaries an ira cash grant sunod nga semana.
“Yung hindi pa nabayaran na period six sa pantawid, yung kasunduan namin eh mapay-out yung cash grant next week.”
“Yung pera niyan, naibigay na namin doon sa Philippine Veterans Bank. Ang sabi nila, marelease nila or maicredit nala sa ating pantawid next week most probably sa monday.”
Apil na gihapon hini nga release an mga benepisyaryo han Modified Conditional Cash Transfer (MCCT).
Nagpatapod naman daw an Philippine Veterans Bank ha atubangan han mga opisyales han DSWD nga diri mauutro an kadelay han cash grant. Nagkamayada man gud daw reshuffling han mga opisyal han Veterans Bank.
Dugang han opisyal, diri nala igtatransfer an mga benepisyaro ha Landbank.
“Nagkausap kami together with Veterans Bank last week, napagkasunduan namin na ituloy nila ang pagserbisyo sa ating mga pantawid sa lalawigan ng Leyte.”
Ginhihimo na daw yana an panigbag-o nga agreement para han period 1 ngan 2 para dayon nga makarawat ini han mga pantawid yana nga bulan han Setyembre.
