TACLOBAN CITY – Diri na makarawat an Department of Social Welfare and Development- Region 8 office hin mga damage report tikang ha mga Local Government Unit nga naapektuhan ni Bagyo Urduja.
Sumala kan DSWD Disaster Response and Management Unit Head Pauline Nadera, dida pa han December 20 an deadline para han pagpasa han mga damage reports.
An damage report in magseserbe nga basihan han mao nga ahensya kun pira an guin kikinahanglan nga bulig han mga LGU para han panhatag han second round han pagdistribwer han relief goods. Kinahanglan daw han mao nga buhatan kun pira an ig aalutaga nga budget para han panabang.
Dugang pa ni Nadera, an first round in nakag-distribwer na an DSWD hin food packs ha mga pamilya nga naigo han bagyo.
Sumala ha DSWD, Sobra P59 Milyones an ira nahatag nga food and non-food items ha magkadurudilain nga LGU’s nga apektado ni Bagyo Urduja ha bug-os nga Eastern Visayas.
