Cauayan City – Kinilala ng Department of Social Welfare and Development Field Office 2 (DSWD FO2) ang mahalagang papel ng media sa Gawad Pahayag cum PIAsasalamat.
Layunin ng aktibidad na bigyang-pugay ang mga ahensya ng pamahalaan, lokal na media, at community correspondents na katuwang ng PIA sa pagbabahagi ng mahahalagang impormasyon, lalo na sa panahon ng sakuna o emergency.
Pinarangalan ang DSWD FO2, sa pangunguna ni Regional Director Lucia Suyu-Alan, para sa kanilang walang sawang serbisyo at mahalagang ambag sa pagbibigay ng impormasyon tungkol sa disaster response efforts ng pamahalaan.
Pinasalamatan naman ni Director Alan sa kanyang talumpati ang media sa kanilang suporta sa mga programa ng ahensya.
Dumalo naman sa programa sina PIA Regional Director Angely Mercado, PIA Assistant Regional Director Oliver Baccay, DSWD OIC-DRMD Chief Mylene Attaban, at mga kinatawan ng media mula sa iba’t ibang bahagi ng rehiyon.
