Davao City – Giklaro sa Department of Social Welfare and Development (DSWD) nga wala kini nagpagawas og pahibalo nga hunongon na ang paghatag og assistance alang sa medical, hospital ug burial assistance sugod Nobyembre 9, 2026.
Kini human mikaylap ang usa ka pahibalo nga gibutang sa pipila ka opisina sa mga politiko ug party-list groups, diin nag-ingon nga wala na matud pay assistance gikan sa SPMC, DOH-MAIFIP ug DSWD.
Sa ilang pagpatin-aw, wala nag-gikan sa DSWD ang maong pahibalo ug wala usab silay susamang impormasyon. Gipasalig sa ahensya nga magpadayon ang ilang operasyon alang sa mga programa ug serbisyo.
Gihangyo usab ang publiko nga dili dayon motuo sa maong pahibalo ug mangayo og kumpirmasyon sa hingtungdang ahensya aron malikayan ang kalibog.
RadyoMaN Kareen Beltran
Facebook Comments
