Kakason sang Department of Social Welfare and Development (DSWD) ang mga
beneficiaries sang social pension program nga indi qualified.
Suno kay DSWD-6 Regional Director Rebecca Geamala nakabaton sya
sang impormasyon nga may mga senior citizens nga nalakip sa listahan sang
mga local government units nga indi qualified.
Bangud sini kakason ang mga ini sa listahan.
Sa guidelines ang mga qualified sa social pension amo ang mga
naagedad sang 60 anyos pataas kag mga maluya, masakiton ukon may disability
kag wala sang regular nga suporta gikan sa pamilya kag wala man sang
pension gikan sa gobyerno ukon pribado nga institution.
Suno kay Judith Tanate DSWD-6 focal person for persons with
disabilities and older persons, may 365,908 ka beneficiaries sang social
pension program sa bug-os nga rehiyon kag ang probinsya sang Iloilo ang
may pinakamadamo nga beneficiaries nga 147, 736.
May ginpain nga php2,195,448,000 para sa pension sang mga kun sa
diin ang kada isa nagabaton sang PHP1,500 kada quarter.
(pctto)
