Malaybalay City, Bukidnon – Gi-aghat sa Department of Social Welfare and Development kon DSWD Region 10 sa publiko nga tabangan sila sa pagpatuman sa Pantawi Pamilyang Pilipino Program kon 4p’s.
Sa interview sa RMN Malaybalay ngadto kang Oliver Inodeo, ang focal person sa 4P’s northern Mindanao gibutyag niini nga kini aron matuman gayod sa mga 4ps members ang mga gitakda nga kondisyon sa ahensya.
Dungan niini subling nagpahimangno si Inodeo sa publiko nga tumanon gayod ang mga condition sa buhatan aron dili matangtang sa pagka-miyembro sa 4p’s ug aron usab makabaton ug maayong panglawas ug makahuman sa pagtuon ang ilang mga anak.
Mensahe usab ninii sa mga wala na apil sa mao nga programa nga ipadayon lang ang paghatag ug suhestiyon ug reklamo ngadto sa DSWD.
Gidasig usab niini ang publiko nga isumbong sa RMN DXMB Malaybalay aron mahatagan ug aksyon sa DSWD ang mga reklamo batok sa mga workers sa DSWD.
Apil sa mga pwedeng i-reklamo mao ang pagkalambigit sa usa ka miyembro sa illegal nga droga, illegal nga sugal, wala pagpa-check up sa ilang mga anak ug wala pagpatungha ug uban pang reklamo.
