TACLOBAN CITY – Padayon yana nga nakakarawat han mga Pantawid Pamilyang Pilipino Program Beneficiaries (4P’s) ha Biliran an cash cards nga may sulod na nga kwarta han kanan napulo kabulan nira nga cash grant.
Ini man gud an ginpatapod han Department of Social Welfare And Development (DSWD) Region 8 nga tinikangan Mayo 16 in mandidistribwer hira hin cash cards tikang Ha Landbank Of The Philippines.
Ha interview han RMN kan DSWD Regional Director Restituto Macuto, sobra 4,100 nga mga benepisyaryo ha probinsya han Biliran an matatagan hin cash cards tubtob Mayo 21, tatapuson ini nira para matikangan liwat nga tagan an masunod nga probinsya.
“After ng Biliran, nag-aantay pa kami ng schedule kasi landbak an gumagawa ng schedule. Unahin muna ang Biliran, pagnatapos na next province naman tayo.”
Waray naman maghatag hin rason an opisyal kun kayano gin-una Han Landbank Of The Philippines panhatag ha Biliran.
Sasahiron han DSWD an lima nga probinsya para matagan hin cash cards, ini an pobinsya han Western, Eastern ngan Northern Samar, Southern Leyte ngan Biliran.
Patapod han DSWD nga aadto na ha cash cards an kwarta nga nagkakantidad han napulo kabulan nnga waray pa nira makakarawat.
“Pag-activate ng card may laman na ‘yon. Yung 10 month’s buo iyon na kanilang matatanggap.”
Sobra 120,000 nga 4P’s beneficiaries an matatagan hin cash cards ha lima nga probinsya han Region 8.
