Davao City – Gipaniguro sa Department of Social Welfare and Development (DSWD) nga ma-aksyunan ang giingon paggamit sa pipila sa mga benepisyaryo sa Pantawid Pamilyang Pilipino Program (4Ps) sa ilang budget sa sugal kun gambling o kaha pag prenda sa ilang ATM.
Sa interbyu sa DXDC RMN Davao kang Ma. Salome Huelar, Regional Case Management Focal sa DSWD-XI, gibutyag niini nga ginatutukan ang maong mga problema sa 4Ps Grievance Redress System (GRS) diin ginasuta gayud kung tinuod ang nahisgutang mga reports.
“If there are reported cases regarding anang mga mga gambling, pagprenda amoa nang ginatan-aw ug gina-validate sa area kung tinuod ba,” saysay ni Huelar.
Gibutyag ni Huelar nga muagi sab og saktong proseso ang maong problema diin aduna usay mga warnings nga ginahatag sa mga benepisyaryo.
“Mo-undergo gyud sila og due process gyud. Naa tay schemes. Naa tay due process. Naa tay procedure in terms of the validation and assessment aning reported nga mga household,” tataw ni Huelar.
Nasayran nga lusot na sa ikaduhang pagbasa sa Senado ang nahisgutang resolusyon.
RadyoMaN Kirby Manzon
