Davao City – Gipaniguro karon sa Department of Social Welfare and Development o DSWD XI nga makadawat sa 2 tranches ang mga gitawag nga left out sa Social Amelioration Program kun SAP.
Sumala ni DSWD XI information officer Kristelle May Cagatin atol sa interview sa DXDC RMN Davao, anaa sa kapin 29,000 ka mga left out ang nakatakdang makadawat sa maong ayuda.
“Kung sa Davao City, tan-awon nato ang left out, 29,192. Kani to silang benepisyaryo nga wala kadawat sa 1st tranche, ang dawatanon nila sa umabotay nga release kadtong 2 tranches meaning for the month of April and May,” segun ni Cagatin.
Dugang ni Cagatin nga sa ilang datos, anaa sa 103,000 ka mga pamilyang gikunsiderang left out ang makadawat sa 2nd tranche sa tibuok Davao region samtang 298,043 ka mga pamilya sa Davao City ang eligible nga makadawat sa 2nd tranche.
Matud sa DSWD XI nga hulaton lang ang petsa sa releasing sa pay out gumikan sa pagkakaron wala pay naka set nga schedule niini.
RadyoMaN Renz Barbarona
