Duha ka persona, arestado sa separado nga buy bust operation sa banwa sang Pontevedra!

36

Pontevedra, Capiz – Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang duha ka mga persona nga nadakpan sa separado nga buy bust operation sa banwa sang Pontevedra. Arestado ang 26- anyos nga subject person ngasi Josel Catalan, 26-anyos nga residente sang Barangay Pantalan, President Roxas, Capiz kun sa diin natigayon nga marekober sa iya posisyon ang apat(4) ka sachets sang suspected shabu kag P1, 000 nga buybust money kag traysikol sini nga ginagamit sa transaksyon. Samtang sa Barangay Rizal, Pontevedra, Capiz, dakop man ang 23-anyos nga si Milner Mata, nga isa ka drug surrenderee sa Barangay Jolongajog, Pontevedra Capiz. Narekober sa iya ang lima(5) ka sachet sang shabu, P500 nga buybust money kag P200 nga cash.
Nangin madinalag-on ang amu nga operasyon paagi sa bulig sang ginhugpong nga puwersa sang Provincial Drug Enforcement Unit(PDEU); Station Drug Enforcement Team(SDET) sang Pontevedra, Pilar, kag President Roxas PNP.

Facebook Comments