Sa interbyu sa DXDC RMN Davao kang Ricky Tijon, DSWD-XI 4Ps Regional Beneficiary Data Officer, gitataw niini nga walay katungod o gahum ang usa ka kandidato nga gamiton ang programa sa gobyerno sama sa 4Ps sa iyang pagpangampanya.
“Atoa gyud gina-inform ang benepisyaryo nga walay kakayahan ang kandidato or mga politiko sa pagtanggal sa ilaha sa atoang program. Unless otherwise, ilaha lang gyong behaviors ana ang maka-determine,” tataw ni Tijon.
Subay sa Implementing Rules and Regulations sa 4Ps Act (Republic Act 11310), mataktak lamang ang usa ka benepisyaryo sa musunod nga mga kondisyon:
• Wala nay bata sa household nga nag-edad 0-18 years old o nag-eskwela sa high school
• Pagpangilad/pagkasala batok sa mga kondisyon o mando sa programa
• Anaa na sa 7-year duration ang household sulod sa programa, ug
• Naka-tabok o nakatawid na ang pamilya paingon sa lig-on ug malampusong pamuyo
Sumala sa DSWD-XI officer, base sa March 2022, anaa sa 260,062 ang aktibong benepisyaryo sa 4Ps sa Davao Region.
RadyoMaN Kirby Manzon
